Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 499 Hüküm no: 787 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çolak Hasan Beşe’nin borcunu ödemesi Maʻrûz-ı dâʻî-i Devlet-i aliyyeleridir ki; Habbâz tâifesinden işbu bâʻisü’l-iʻlâm Mehmed Beşe nâm kimesne Çolak Hasan Beşe ile terâfuʻlarında yedimden müşterâ ve makbûz bir reʼs bargir bahâsından bâkī on dokuz guruş mezbûr Çolak Hasan Beşe’den baʻde’d-daʻvâ ol dahi ikrâr lâkin meblâğ-ı bâkī-i mezbûru üçümüz bir meclisde iken gāib ani’l-meclis Müezzin Süleyman’a havâle etmiş idi deyü eylediği defʻini beyândan acz ve talebiyle müddeʻî-i mezbûr baʻde’t-tahlîf meblâğ-ı bâkī-i mezbûr on dokuz guruşu müddeʻî-i mezbûra edâ ve teslîme merkūm Çolak Hasan Beşe’ye tenbîh olunup mübâşiri Haslar yasakcısı iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-Muharremi’l-harâm li-sene selâse ve sittin ve miʼe ve elf.