Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 500 Hüküm no: 789 Orijinal metin no: [89a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Celep Hasan b. Ali ve ortağı Hasan’ın alacaklarının tahsili Maʻrûz-ı dâʻî-i Devlet-i aliyyeleridir ki; Celep tâifesinden Hasan b. Ali ve şerîki diğer Hasan b. Yusuf nâm kimesneler ihzâr-ı şerʻ olunan işbu hâmilü’l-iʻlâm Hürmüz v. Balonis ve karındaşı Agop zimmîler muvâcehelerinde târîh-i iʻlâma gelince beynlerimizde cârî muʻâmelâtdan on dört guruş yirmi yedi para hakkımdan bâkī on guruş mesfûrân zimmîlerinde [zimmetlerinde] hakkımız olmağla taleb ederiz deyü baʻde’d-daʻvâ ve’l-ikrâr edâsıyla mesfûrân zimmîler ilzâm olundukdan sonra meblâğ-ı mahkûmün-bih on guruş mübâşir yediyle tahsîl ve ahz u kabz edip bu vechile tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 28 min-Muharremi’l-harâm sene 1163