Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 500 Hüküm no: 790 Orijinal metin no: [89a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Müezzin Mehmed Çelebi’den boşanan Ayşe Hatun ile çocuğuna nafaka bağlanması Maʻrûz-ı dâʻî-i Devlet-i aliyyeleridir ki; Sâhibe-i arzuhâl Âişe nâm hatun derûn-ı arzuhâlde mezkûr zevc-i sâbıkı Müezzin Mehmed Çelebi ile baʻde’t-terâfuʻ muslihûn tavassutuyla mezbûr Mehmed’in firâşından hâsıl mezbûrenin batnında hamli olup iddeti vazʻ-ı haml ile munkaziye oluncaya değin târîh-i iʻlâmdan külli yevm dört para nafaka vermek üzere beynleri tevfîk ve müteʻahhid olup veled zuhûr etdikde kadr-i maʻrûf nafaka vermek üzere katʻ-ı nizâʻ etdikleri tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 9 min-Saferi’l-hayr li-sene selâse ve sittin ve miʼe ve elf.