Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 508 Hüküm no: 803 Orijinal metin no: [91a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Foti zimmînin es-Seyyid Mustafa’ya olan borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm es-Seyyid Mustafa nâm kimesne Vâlidesarayı ustası mübâşeretiyle Eyüb mahkemesine ihzâr olunan Foti nâm zimmî ile terâfuʻ etdiklerinde merkūm Foti zimmetinde cihet-i deynden yüz elli beş guruş hakkımdan bâkī yüz kırk dokuz buçuk guruş hakkımı taleb ederim deyü daʻvâ ol dahi baʻde’l-ikrâr meblâğ-ı mezbûrun yirmi dokuz buçuk guruşunu müddeʻî-i mezbûra edâ etmiş idim deyü eylediği defʻini beyândan acz ve yemîne dahi tâlib olmamağla meblâğ-ı mezbûr yüz kırk dokuz buçuk guruşu müddeʻî-i mezbûr es-Seyyid Mustafa’ya edâ ve teslîm eylemek üzere ikrârına binâʼen mesfûr Foti zimmîye tenbîh ve tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin min-Muharremi’l-harâm li-sene selâse ve sittin ve miʼe ve elf.