Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 508 Hüküm no: 802 Orijinal metin no: [91a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ustoyan v. Asbas ile Tolo v. Ferho’nun borçlarını ödemeleri Maʻrûz-ı dâʻî-i Devlet-i aliyyeleridir ki; İşbu hâmilü’l-iʻlâm Mihal v. Sunço nâm zimmî çoban zümresinden Ustoyan v. Asbas ve Tolo v. Ferho nâm zimmîler muvâcehesinde cihet-i ücretden mesfûr Ustoyan zimmetinde dört guruş on beş para ve yine cihet-i mezbûreden mesfûr Ferho zimmetinde üç guruş kırk akçe hakkı olduğu mesfûrânın yemînden nükūlleriyle sâbit olmağla meblâğ-ı merkūmun edâsıyla mesfûrân Ustoyan ve Ferho nâm zimmîlerden her birerleri ilzâm olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-Muharremi’l-harâm li-sene selâse ve sittin ve miʼe ve elf.