Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 521 Hüküm no: 806 Orijinal metin no: [94b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nikola zimmînin kendisini piştov ile yaralayan Hristo ile anlaştığı Maʻrûz-ı dâʻî-i Devlet-i aliyyeleridir ki; Havâss-ı refîʻa kazâsında suyolcu taʻyîn olunan karyelerden Cebeci nâm karye ahâlîsinden Nikola nâm zimmî meclis-i şerʻde hasmı olup Vâlidesarayı bölükbaşıları Ahmed Bey mübâşeretiyle ihzâr-ı şerʻ etdirdiği karye-i mezbûre ahâlîsinden işbu hâmilü’l-iʻlâm Hristo nâm zimmî ile terâfuʻ etdiklerinden sonra mezbûr beş gün mukaddem karye-i mezbûrede hitân cemʻiyyetlerimizde şenlik içün Hristo tüfenk atıp paçavrası kasığıma hatâʼen isâbet ve cerh etmiş idi deyü tasaddî eylediğim daʻvâ-yı mezbûremden an-inkâr sekiz guruş bedel-i sulh-i makbûza mesfûr Hristo ile sulh olup cerh-i mezkûre ve mâ-yuhdesü minhe müteʻallika âmme-i deʻavîden ben, ol dahi bedel-i sulhden benim her birimiz âharın zimmetlerini ibrâ ve katʻ-ı nizâʻ etdikleri Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 26 Zilhicceti’ş-şerîfe li-sene isneyn ve sittin ve miʼe ve elf.