Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 522 Hüküm no: 808 Orijinal metin no: [94b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeyneb Hatun’un borcunu ödemesi Maʻrûz-ı dâʻî-i Devlet-i aliyyeleridir ki; Medîne-i Hazret-i Ebâ Eyüb el-Ensârî’de Takyeci Mahallesi sâkinlerinden zikr-i âtî vakıf menzilin yedinde olan mütevelliyesi temessükü mantûku üzere icâreteyn ile mutasarrıfı olan işbu bâʻisü’l-iʻlâm Hüseyin Çelebi b. Mustafa nâm kimesnenin menzil-i mezbûrede müşâhereten müsteciresi olduğu mütebeyyin olan Zeyneb nâm hatun zimmetinde sâkine olduğu müddet-i maʻlûmeden on sekiz aylık müctemiʻ icâreden yirmi iki buçuk guruş hakkı olduğu lede’l-murâfaʻa mezbûr Zeyneb Hatun ikrârıyla sâbit olmağın meblâğ-ı mezbûru edâya tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis aşer min-Zilhicce li-sene isneyn ve sittin ve miʼe ve elf.