Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 522 Hüküm no: 810 Orijinal metin no: [94b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Odabaşı’nın darbedilip bir miktar parasının alındığı Maʻrûz-ı dâʻî-i Devlet-i aliyyeleridir ki; Osman Odabaşı nâm kimesne işbu bâʻisü’l-iʻlâm Seyyid Mehmed zevcesi Âişe Hatun muvâcehelerinde mezbûrândan alacak hakkım olduğuna binâʼen menzilleri kapısına vardığımda mezbûrân bi-gayr-ı hakkın beni darb ve şetm ve bir mikdâr lihyemi yolup ve ol esnâda yirmi yedi müdevver altun ile yüz beş param zâyiʻ olmağla mûcib-i şerʻîlerini taleb ederim deyü tasaddî eylediği daʻvâ-yı meşrûhasını bir vechile isbât edemeyip talebiyle mezbûrândan her biri baʻde’t-tahlîfü’ş-şerʻî bilâ-beyyine muʻârazadan menʻ olundukdan sonra mahalle-i mezbûre ahâlîsinden müseccelü’l-esâmî Müslimîn mezbûr Seyyid Mehmed ile zevcesi mezbûre Âişe’nin alâ-tarîkı’ş-şehâde hüsn-i hâllerini haber verdikleri Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis ve’l-ışrîn min-Zilhicce li-sene isnâ ve sittin ve miʼe ve elf.