Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 532 Hüküm no: 830 Orijinal metin no: [97a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un kendisini darbedip altınını gasbeden Mumcu Halil Beşe ile anlaştığı Maʻrûz-ı dâʻî-i Devlet-i aliyyeleridir ki; Sâhibe-i arzuhâl Âişe nâm Hatun Mumcu Halil mübâşeretiyle mahbûsen ihzâr-ı şerʻ olunan beşinci bölükden el-Hâc Osman Beşe mahzarında mezbûr el-Hâc Osman üç sene mukaddem Eyüb’de Otakçılar sebîli önünde bana hücûm, yumruk ve bıçak ile bi-gayr-ı hakkın başıma darb ve kara bere ve kolumdan kırk guruşluk zincirli altunu gasben ahz etmişdir deyü eylediği daʻvâ-yı mezbûresinden tavassut-ı muslihûn ile mezbûr el-Hâc Osman Beşe ile an-inkâr kırk guruş bedel-i makbûza sulh olup müddeʻiye-i mezbûre Âişe husûs-ı mezkûra müteʻallika mezbûr el-Hâc Osman Beşe medfûʻu olan bedel-i sulhe müteʻallika birbirinin âmme-i deʻâvîden zimmetlerini ibrâ ve iskāt edip katʻ-ı nizâʻ etdikleri Eyüb mahkemesinde tescîl olunduğu mübâşir-i merkūm iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâdî ve’l-ışrîn min-Zilhicceti’ş-şerîfe li-sene isneyn ve sittin ve miʼe ve elf.