Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 532 Hüküm no: 829 Orijinal metin no: [97a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Karısı Râbia’yı darbedip küfreden Ahmed b. Hasan’ın cezalandırılması Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Râbia bt. Osman nâm hatun zevci Ahmed b. Hasan nâm kimesne muvâcehesinde mezbûr Ahmed bi-gayr-ı hakkın beni darb-ı şedîd ile darb ve mûcib-i taʻzîr şutûm-ı galîza ile şetm etmekle mûcib-i şerʻîsini taleb ederim deyü baʻde’d-daʻvâ ve’l-inkâr müddeʻiye-i mezbûre Râbia Hatun daʻvâ-yı meşrûhasını şuhûd-ı udûlden mahalle-i mezbûre imamı Hâfız Mustafa Efendi ve el-Hâc Hüseyin b. Hasan ve Ali Yazıcı b. Mehmed ve Yakub Beşe b. Hüseyin nâm kimesneler şehâdetleriyle vech-i şerʻî üzere isbât etmekle mûcebince mezbûr Ahmed’e taʻzîr lâzım geldiği Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fi’l-yevmi’s-sâmin ve’l-ışrîn min-Zilhicceti’ş-şerîfe sene 1162