Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 533 Hüküm no: 832 Orijinal metin no: [97b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cesedinin muâyene edilip boğularak öldüğü anlaşılan Molla Süleyman’ın defnine izin verildiği Maʻrûz-ı dâʻî-i Devlet-i aliyyeleridir ki; Sâdır olan fermân-ı âlîlerine imtisâlen savb-ı şerʻden irsâl olunan es-Seyyid Mustafa Efendi Havâss-ı aliyye kazâsına tâbiʻ Çavuş karyesi kurbünde iki çiftlik beyninde Karagöl nâm mahalde yatar Molla Süleyman nâm meyyitin cenâzesi üzerine varıp izzetlü bostancıbaşı ağa kıbelinden taʻyîn buyrulan Haseki Mehmed Ağa ve müseccelü’l-esâmî Müslimîn ile müteveffâ-i mezbûrun babası Eyüb Çelebi hâzır olduğu halde aʻzâsına nazar olundukda eser-i cerh olmayıp târîh-i iʻlâmdan iki gün mukaddem bargir ile zikr olunan gölden mürûr ederken suya düşüp garîkan fevt olduğu baʻde’l-muʻâyene ve’l-keşf defnine izin-birle vâkiʻ hâli Mevlânâ-yı mezbûr mahallinde tahrîr ve maʻan baʻs olunan ümenâ-i şerʻle meclis-i şerʻa gelip alâ-vukūʻıhî inhâ ve takrîr eyledikleri baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Zilka‘de sene 1162