Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 536 Hüküm no: 838 Orijinal metin no: [98a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb’de bulunan Yâ Vedûd Zâviyesi’nde tekke-nişîn olan Ahmed ile mezarcı es-Seyyid Mehmed’in birbirlerine müdâhale etmemeleri Maʻrûz-ı dâʻî-i Devlet-i aliyyeleridir ki; Medîne-i Hazret-i Ebâ Eyüb el-Ensârî’de vâkiʻ Eyüb Vakf-ı şerîfi mütevellîsi temessükü mûcebince mukātaʻalı Yâ Vedûd Zâviyesi’nin vazîfe-i muʻayyenesi malından almak üzere berat ile zâviyedâr ve tekke-nişîn olan Ahmed, yine vakf-ı şerîf mütevellîsi temessükü mantûku üzere mukātaʻalı maʻlûmü’l-hudûd makābir-i Müslimînde hafr edici taʻyîn olunan işbu bâʻisü’l-iʻlâm es-Seyyid Mehmed baʻde’n-nizâʻ yedlerinde olan temessükâtları muktezâsınca her biri ibâʼ-ı amel edip ve birbirlerinin zabt ve tasarruflarına müdâhale ve muʻâraza eylememek üzere mastûr olmağla reʼy-i mütevellî ile kıbel-i şerʻden ber-muʻtâd ameleye tenbîh olunduğu bi’l-iltimâs Eyüb mahkemesinde baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 3 min-Zilhicce li-sene 1162