Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 537 Hüküm no: 840 Orijinal metin no: [98a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Samancı Kirkor’un vefât eden Ali’ye olan borcunu vârislerine ödemesi Maʻrûz-ı dâʻî-i Devlet-i aliyyeleridir ki; Medîne-i Hazret-i Eyüb’de el-Hâc Hüsrev Mahallesi’nde vefât eden Ali’nin veresesinden zevcesi ve sulbî kebîr oğlu Mehmed ve sulbiye kebîre kızı Nimetullah’ın vâlideleri ve taraflarından vekîlleri olan bâʻisetü’l-iʻlâm Hatice Hatun ihzâr etdirdiği Samancı tâifesinden Kirkor zimmî ile murâfaʻa olduklarında mesfûr Kirkor zimmî zimmetinde müteveffâ-i mezbûrun cihet-i karzdan yirmi üç guruş hakkını kable’l-ahz fevt olup mevrûs olmağla taleb ederim deyü asâleten ve vekâleten edâ ve teslîm eylemek üzere mesfûr Kirkor zimmî ilzâm olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-Zilhicceti’ş-şerîfe li-sene isneyn ve sittin ve miʼe ve elf.