Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 537 Hüküm no: 841 Orijinal metin no: [98a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb ve civârında kurban bayramı süresince kadınların evlerinden dışarıya çıkmalarına mani olunması Hâslar nâibi efendi; Iyd-i şerîf eyyâmında nisvân tâifesinin mübâhan esvâk ve bâzâr ve mahallât aralarında geşt ü güzârları bâ-emr-i âlî memnûʻâtdan olmağla inşâallâhu teʻâlâ işbu ıyd-ı adhânın ibtidâ gününden dördüncü günü akşamına dek Eyüb ve muzâfâtında vâkiʻ mahallâtda sâkine nisâ tâifesi kapılarından taşra çıkmayıp hânelerinde meks ve ikāmet ve hilâf-ı emr-i âlî harekete cesâret edenler ahz ve bilâ-emân cezâ-yı mâ-yelîkleri tertîb ve icrâ olunacağı mahalleleri ahâlîsine tenbîh ve ifhâm içün mahallât imamları huzûr-ı şerʻa davet ve her birine iʻlân ve işâʻata müsâraʻat eyleyesiz deyü buyruldu. [Fî] 7 Zilhicce sene 1162