Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 540 Hüküm no: 847 Orijinal metin no: [98b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Mehmed’in olan borcunu ödemesi Maʻrûz-ı dâʻî-i Devlet-i aliyyeleridir ki; İşbu hâmilü’l-iʻlâm Nikola v. İlya nâm zimmînin Eyüb mahkemesinde ihzâr etdirdiği Bahçıvân Mehmed Beşe zimmetinde iki senede müctemiʻ ücretden kırk üç buçuk guruş hakkı olduğu lede’l-murâfaʻa mezbûr Bahçıvân Mehmed Beşe’nin ikrâr ve iʻtirâfıyla şerʻan sâbit olmağın mûcebince meblâğ-ı mezbûru müddeʻî-i mesfûr Nikola’ya edâ ve teslîm eylemek üzere mezbûr bahçıvan Mehmed Beşe ilzâm olunup tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis ve’l-ışrîn min-Zilkaʻdeti’ş-şerîfe li-sene isneyn ve sittin ve miʼe ve elf.