Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 541 Hüküm no: 848 Orijinal metin no: [99a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arpacı el-Hâc Ali’nin Bakkal Yorgi’yi haksız yere darbettiği Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Bakkāl Yorgi nâm zimmî Vâlidesarayı Ser-bölüğü Ahmed Bey mübâşeretiyle ihzâr olunan Arpacı el-Hâc Ali târîh-i iʻlâm günü dükkânda şerîkim zimmetinde üç guruş on altı para hakkını ahz içün geldikde bi-gayr-ı hakkın beni sille ile darbeyledi deyü daʻvâ etdikde mezbûr Arpacı el-Hâc Ali bi-gayr-ı hakkın darbeylediğini baʻde’l-ikrâr taʻzîr iktizâ edip meblâğ-ı mezbûru iktidârına binâʼen edâya müddeʻî-i mezbûra tenbîh-birle tescîl olunmuşdur. Bâkī fermân hazret-i veliyyü’l-emrindir. Fî 25 min-Zilka‘de sene 1162