Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 542 Hüküm no: 852 Orijinal metin no: [99a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Servi Mahallesi’ndeki bostanda yetiştirilen sebzevât için ödeme yapılmadığının tespit olunduğu Maʻrûz-ı dâʻî-i Devlet-i aliyyeleridir ki; Bu abd-i dâʻîleri Medîne-i Ebâ Eyüb el-Ensârî’de Servi Mahallesiʼnde vâkiʻ bostana varılıp akd-i meclis etdikde bundan akdem bahçıvanlar kethüdâsı ustalarının derûn-ı bostanda terbiye ve amel ile hâsıl sebzevât ve eşcâr-ı mütenevviʻa ve âlât-ı mahsûsa-i maʻlûmelerinin tahmîn ve takvîmleri üzere niʻmetlerinden Ali Ağa’ya iktizâ eden iki yüz yetmiş beş guruşu mezkûr Ali Ağa ve Nikola zimmî’ye iktizâ eden iki yüz altmış dokuz buçuk guruşu mesfûr Nikola zimmî husûs-ı mezkûra meʼmûr olan Mehmed Ağa yedinden meclis-i maʻkūdda yine ustaları muvâcehelerinde her biri bi’t-tamam ahz u kabz edip lâkin ihrâc olunan müstecire gedik bahâ nâmına bir mikdâr akçe verilegelmişdir deyü gedik bahâ mütâlebeleri meşrûʻa olmadığı bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ ve’l-ışrîn min-Zilka‘de li-sene isneyn ve sittin ve miʼe ve elf.