Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 551 Hüküm no: 870 Orijinal metin no: [101a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Mustafa’nın emânet ettiği iğne için muârazadan men olunduğu Maʻrûz-ı dâʻî-i Devlet-i aliyyeleridir ki; Halil b. Mustafa nâm kimesne Kazzâz zümresinden işbu hâmilü’l-iʻlâm Kirkor v. Ağya nâm zimmî muvâcehesinde târîh-i iʻlâmdan üç gün mukaddem elli guruşluk iğnemi kutusuyla maʻan alâ-tarîkı’l-emâne mesfûr Kirkor’un dükkânına vazʻ edip zâyiʻ olmağla taleb ederim deyü baʻde’d-daʻvâ müddeʻî-i mezbûrun talebiyle mesfûr Kirkor taʻaddî ve ve tasaddî olmadığına tahlîf-i şerʻî olundukdan sonra bî-vech-i şerʻî mesfûr Kirkor’a muʻârazadan müddeʻî-i mezbûr Halil menʻ olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-Zilkaʻdeti’ş-şerîfe sene 1163