Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 550 Hüküm no: 869 Orijinal metin no: [101a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abbas Beşe’nin Cizyedâr Hüseyin Çelebi’yi haksız yere darbettiğinin tespit olunduğu Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Cizyedâr Hüseyin Çelebi nâm kimesne Eyüb mahkemesine ihzâr etdirdiği Abbas Beşe ile terâfuʻ etdiklerinde mezbûr Abbas Beşe târîh-i iʻlâm günü kuşluk vakti medîne-i Eyüb’de Çömlekciler sûkunda üzerime hücûm ve yumruk ile ağzıma bi-gayr-ı hakkın amden darb ve ol darbdan üst tarafda bir ön dişimi ihrâc etmişdir deyü eylediği daʻvâ-yı mezbûresini udûl-i Müslimîn’den es-Seyyid Yusuf b. Ramazan ve Mustafa b. Üveys ve İbrahim b. Mahmud nâm kimesneler şehâdetleriyle münkir-i merkūm Abbas Beşe muvâcehesinde vech-i şerʻî üzere baʻde’l-isbât şerʻle baʻde’l-hükm ve’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Zilkaʻdeti’ş-şerîfe li-sene isneyn ve sittin ve miʼe ve elf.