Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 552 Hüküm no: 873 Orijinal metin no: [101a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiteli karyesi ahâlîsinden Şuayb’ın babası için nafaka olarak her ay otuz para ile bir kile buğday vermeye razı olduğu Maʻrûz-ı dâʻî-i Devlet-i aliyyeleridir ki; Havâss-ı refîʻa kazâsında Bâb mahkemesine tâbiʻ karyelerden Kiteli nâm karye ahâlîsinden aʻmâ ve müsinn ve ihtiyâr olup kâr u kisbe adîmü’l-iktidâr idiği zâhir olan sâhib-i arzuhâl Mehmed nâm kimesne derûn-ı arzuhâlde mezkûr oğlu Şuayb nâm kimesne ile terâfuʻlarında güzeşte-i? nafaka-i mefrûzasından mezbûr Şuayb zimmetinde sâbit olan on dört guruşun on guruşunu ahz edip dört guruş mütâlebesinden baʻde’l-ibrâ mezbûr Şuayb baʻde’l-yevm nafaka-i mukaddereyi edâda izhâr-ı acz etmekle baʻde’l-münâzaʻa babası müddeʻî-i mezbûr Mehmed târîh-i iʻlâmdan beher mâh bir keyl hınta ve otuz para nafaka vermek üzere bi’t-terâzi beynleri tevfîk, ziyâde nafaka-i mukadderesi hat ve tenzîl olunup katʻ-ı nizâʻ eyledikleri tescîl, huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 10 min-Zilka‘de sene 1163