Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 554 Hüküm no: 876 Orijinal metin no: [101b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Baba Haydar Mahallesi’nde kirâda oturan Mustafa’nın evine yabancı adamları toplayıp fesâda meydan verdiğinin tespit olunduğu Maʻrûz; Târîh-i iʻlâm gecesi medîne-i Eyüb’de Baba Haydar Mahallesi’nde kirâ ile sâkin olan Mustafa nâm kimesnenin menziline ecnebî duhûl eylediği ihbâr olunmağla taraf-ı şerʻden Çukadâr ve Vâlidesarayı ustası mezbûrun menziline varıp dört nefer hatunlar ve beş nefer kimesneler ahz ve ihzâr ve her biri istintak olundukda mezbûr Mustafa işbu Fâtıma ve Âişe ve Hatice ve Ahmed ve Veli ve Hasan evlâdlarım olup ve Ümmü Gülsüm gelinimdir deyü iddiʻâ ve ahz olunan Hüseyin Beşe ve Ahmed Beşe âlet-i lehv ve âlet-i fısk ile mekşûfetü’l-âzâ oldukları halde bulunup kendilerine ecnebî ve nâ-mahrem oldukların ikrâr ve tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 4 Şevvâl sene 1162