Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 555 Hüküm no: 878 Orijinal metin no: [101b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arpacı İsmail Beşe’nin terbiye etmesi için babası tarafından yanına verilen Ayşe isimli küçük kızı annesi Safiye Hatun’a iâdesi Maʻrûz-ı dâʻî Devlet[-i aliyyeleridir ki] Sâhib-i arzuhâl eş-Şeyh İbrahim Efendi derûn-ı arzuhâlde mezkûrü’l-ism Arpacı İsmail Beşe ile lede’t-terâfuʻ mezbûr İbrahim Efendi’nin zevcesi Fâtıma nâm hatunun sadriye kızı Âişe nâm sagīre târîh-i iʻlâmdan beş ay mukaddem zâyiʻ olup hâlâ mezbûr İsmail Beşe’nin menzilinde bulunmağla teslîmine tenbîh olunması murâdımdır deyü baʻde’d-daʻvâ ve’l-istintak mezbûr İsmail cevâbında sagīre-i mezbûreyi babası gāib ani’l-meclis Mehmed nâm kimesne târîh-i iʻlâmdan bir ay mukaddem li-ecli’t-terbiye bana vermiş idi deyü ikrâr ve iʻtirâfından sonra sagīre-i mezbûrenin cüssesinin dahi bülûğa tahammülü olmamağla bi-hakkı’l-hıdâne anasının anası Safiye Hatun’a teslîme mezbûr Arpacı İsmail Beşe’ye tenbîh olunduğu Eyüb mahkemesinde sicil olunup mübâşiri Mehmed Emin Çavuş kulları mübâşeretiyle huzûr Fî 10 Şevvâl sene 1162