Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 555 Hüküm no: 879 Orijinal metin no: [102a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Ağa’nın alacaklı olduğu yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Ali Ağa nâm kimesne ihzâr etdirdiği Serdar Mehmed nâm kimesne ile terâfuʻlarında yedimde olan temessükü mantûku üzere cihet-i karzdan yirmi beş guruş mezbûr Serdar Mehmed zimmetinde hakkım vardır taleb ederim deyü eylediği daʻvâsını isbât edemeyip talebiyle mezbûr Serdar Mehmed baʻde’t-tahlîfü’ş-şerʻî mûcebince müddeʻî-i mezbûr Ali Ağa bilâ-beyyine bî-vech muʻârazadan menʻ olunup Eyüb mahkemesinde tescîl olunduğu huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 12 Şevvâl sene 1162