Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 560 Hüküm no: 889 Orijinal metin no: [103a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Mahmud’un alacaklı olduğu yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; el-Hâc Mahmud b. Mustafa nâm kimesne meclis-i şerʻ-i hatîre ihzâr etdirdiği Mehmed Beşe b. Ali nâm kimesne muvâcehesinde mezbûr Mehmed Beşe zimmetinde şaʻir semeninden bâkī on guruş hakkım olmağla taleb ederim deyü tasaddî eylediği daʻvâ-yı meşrûhasını isbât edemeyip talebiyle mezbûr Mehmed Beşe ba‘de’t-tahlîfü’ş-şer‘î bilâ-beyyine bî-vech muʻârazadan menʻ olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 15 min-Ramazan sene 1162