Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 561 Hüküm no: 892 Orijinal metin no: [103a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Done bt. Avram’ın yorganının çalındığı yolundaki iddiâsını ispatlayamadığı Maʻrûz; Mahmiye-i İstanbul hısnı ebvâbından Balat Kapısı hâricinde mütemekkine Done bt. Avram nâm Yahûdiye Eyüb mahkemesine ihzâr etdirdiği kemerci tâifesinden işbu hâmilü’l-iʻlâm Atanas v. İsteryo ve İsteryo v. Estirâti ve Yanaki v. İstirati ve Dimo v. Potzon nâm zimmîler muvâcehelerinde târîh-i iʻlâmdan bir gün mukaddem mesfûrûn zimmîler menzilim penceresi hâricinde sergiden yedi guruş kıymetli bir yemenî yorganımı ahz eylediler deyü baʻde’d-daʻvâ ve’l-inkâr müddeʻiye-i mesfûre daʻvâ-yı meşrûhasını isbât edemeyip talebiyle mesfûrûndan her birleri baʻde’t-tahlîf bilâ-beyyine bî-vech muʻârazadan menʻ olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 14 Ramazani’l-mübârek sene 1162