Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 561 Hüküm no: 893 Orijinal metin no: [103a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haçador’un Agop hakkında açtığı davadan vazgeçtiği Maʻrûz; Baba Haydar Mahallesi’nden Haçador nâm zimmî ihzâr etdirdiği Agop nâm zimmî muvâcehesinde mesfûr Agop zimmî bundan akdem sol kolum üstünden bıçak ile bi-gayr-ı hakkın amden darb ve cerh etmekle mûcibini daʻvâ sadedinde olmuş idim el-hâletü hâzihî tavassut-ı muslihûn ile daʻvâ-yı mezbûremden meccânen fâriğ olup cerh-i mezkûr ve mâ-yuhdesü minhe müteʻallika deʻâvîden mesfûr Agop zimmînin zimetini ibrâ ve iskāt eyledim deyü baʻde’l-ikrâr ve’t-tasdîk Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 7 Ramazani’l-mübârek sene 1162