Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 569 Hüküm no: 907 Orijinal metin no: [104b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yeni saraya ve eski saraya Halkalı’dan getirilen suyu kanunlara aykırı olarak kullanmak isteyenlere mani olunması Maʻrûz; Saray-ı cedîd-i âmire ve Saray-ı atîk-i maʻmûreye ve sâir mahallere cârî taraf-ı hazret-i şehriyârîden tecdîd ve ihyâ buyrulan Halkalı suyunun menbaʻından Edirnekapısı’na gelince muhâfazası lâzime-i hâlden olmağla tarîk-i muharrer üzerlerine ahâlî ve hâricden mandıralar ihdâsı ve mâ-i mezbûrun ve ilhâkları suyolların meslekleri kapağı açılmak ve tarla sürülmesine veyâhud bağ çubuğu gars içün hafr ile olan mazarratları menʻ u defʻ ve ol havâlîde bulunan çiftlik ashâbına ve kurâ ahâlîsine ve sâir tenbîhi iktizâ edenlere tenbîh ve tekîd ve fî-mâ baʻd bu makūle mazarrat îrâsına cesâret edenleri izzetlü bostancıbaşı ağa maʻrifetleriyle ahz ve haklarından gelinmek içün huzûr-ı Âsafî’ye ihzâr olunmalarını mutazammın şeref-sudûr bulan fermân-ı âlîşânları Haslar mahkemesinde sicill-i mahfûza kayd ve ağa-yı müşârun-ileyh tarafından Salih Haseki kulları cânib-i şerʻden muhzır bendeleri mahal be mahal gezip muhdes bulunan mandıralar imtisâlen-li’l-emr refʻ olunup fî-mâ baʻd mazmûn-ı emr-i âlî ile amel edip hilâfına vechen mine’l-vücûh vazʻ u hareket eylememek üzere tenbîhi lâzım gelenlere muhkem tenbîh ve teşdîd eylediklerin baʻde’l-inhâ mübâşir-i merkūm kulları edâ-yı hizmet eylediği iltimâsıyla huzûr-ı âlîlerine iʻlâm olundu. Fî 13 Recebi’l-ferd sene 1162