Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 570 Hüküm no: 909 Orijinal metin no: [104b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Sahak’ın borcunu ödemesi Maʻrûz; Hâmilü’l-iʻlâm İsrail nâm Yahûdi medîne-i Eyüb’de çömlekci tâifesinden ihzâr-ı şerʻ olunan Sahak nâm Ermeni muvâcehesinde mesfûr Sahak zimmetinde cihet-i karz-ı şerʻîden olan yirmi beş guruşdan bâkī kalan yirmi iki guruşu mesfûr Sahak zimmîden taleb ederim deyü baʻde’d-daʻvâ mesfûr Sahak zimmî dahi cihet-i mezkûreden zimmetinde meblâğ-ı bâkī-i mezbûr yirmi iki guruş edâsı lâzım deynimdir deyü ikrâr ve iʻtirâf etmekle mûcebince meblâğ-ı bâkī-i mezbûru müddeʻî-i mezbûr İsrail’e edâ ve teslîme mesfûr Sahak zimmîye tenbîh olunup Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Fî 18 Receb sene 1162