Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 572 Hüküm no: 916 Orijinal metin no: [105a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Çavuş Ağa’nın kan alarak sağlığını bozan Cerrâh Koyunoğlu Mosi’yle anlaştığı Maʻrûz; Sâhib-i arzuhâl Süleyman Çavuş Ağa tarafından vekîli Mehmed Çavuş derûn-ı arzuhâlde ismi mastûr olan Cerrâh Koyunoğlu Mosi nâm Yahûdi muvâcehesinde bundan akdem mesfûr Mosi Yahûdi kolumdan muhâlif yerden kan almağla kolum şişip mecrûh ve bi’l-külliye amelden kalmak muhtemeldir mûcib-i şerʻîsini taleb ederim deyü eylediği daʻvâ-yı mezbûresinden mesfûr Mosi ile seksen guruş bedel-i makbûza sulh olup müvekkilim mezbûr Süleyman Ağa kolunun cerhine ve mâ-yuhdesü minhe müteʻallika deʻâvîden mesfûr Mosi Yahûdi bedel-i sulh deyü medfûʻu <> mütâlebesinden birbirlerinin zimmetlerini ibrâ ve iskāt ve katʻ-ı nizâʻ etdikleri bi’t-terâzi Eyüb mahkemesinde tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî gurre-i min-Şaʻbâni’l-muʻazzam li-sene isneyn ve sittin ve miʼe ve elf.