Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 573 Hüküm no: 917 Orijinal metin no: [105a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Beşe’nin kefâlete bağlanarak tahliye edildiği Maʻrûz; Dergâh-ı âlî yeniçerilerinin elli beşinci bölük neferâtından ahz olunup meclis-i şerʻa ihzâr olunan Halil Beşe nâm kimesnenin nefsine ve hîn-i mütâlebede huzûr-ı hükkâm-ı kirâma ihzârına Dergâh-ı âlî yeniçerilerinin birinci bölük yoldaşından serdengeçti mütekāʻidi olan Mehmed Ağa nâm kimesne kefîl olduğu tescîl olunup mezbûr Halil Beşe’nin sebîli tahliye olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis ve’l-ışrîn min-Şaʻbâni’l-muʻazzam li-sene isneyn ve sittin ve miʼe ve elf.