Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 574 Hüküm no: 919 Orijinal metin no: [105b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çelebi’nin borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Bostanî Ömer b. Mehmed nâm kimesne ihzâr-ı şerʻ etdirdiği Çırçırlı Ali Çelebi ile terâfuʻ etdiklerinde mezbûr Ali Çelebi zimmetinde yedimden müşterâ makbûzu beher reʼsi üç yüz yedişer akçeden yüz aded ağnâm bahâsı cemʻan otuz bin yedi yüz akçe hakkımı taleb ederim deyü baʻde’d-daʻvâ ve’l-istintak mezbûr Ali Çelebi ağnâm-ı mezbûr bahâ[sından] edâsı lâzım zimmetinde ol mikdâr meblâğ deyni olduğunu ikrâr ve iʻtirâf edip edâsıyla mezbûr Ali Çelebi ilzâm olunup Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Recebi’l-ferd li-sene isneyn ve sittin ve miʼe ve elf.