Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 575 Hüküm no: 922 Orijinal metin no: [105b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kaymakcı Mahmud’un alacağını tahsil ettiği Maʻrûz; Kaymakcı tâifesinden işbu bâʻisü’l-iʻlâm Mahmud nâm kimesne ihzâr olunan Kara Yusuf nâm kimesne muvâcehesinde mezbûr Kara Yusuf bundan akdem benden elli guruş istikrâz ve kabz ve istihlâk etmekle meblâğ-ı mezbûrun on beş guruş altı parasını kendinden müşterâ ve makbûzum olan üç yüz üç vakıyye leben bahâsından on beş guruş altı para deynime baʻde’l-ahz [v]e’t-takās bâkī otuz dört buçuk guruş on dört para hakkımı mezbûr Kara Yusuf’dan baʻde’d-daʻvâ ve’l-ikrâr edâsıyla ilzâm olundukdan sonra meblâğ-ı bâkī-i mezbûr otuz dört buçuk guruş on dört parayı bana defʻ u teslîm ben dahi kabz edip birbirimizde bir akçe bâkī kalmamışdır dedikde ol dahi baʻde’t-tasdîk Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ min-Recebi’l-ferd li-sene isneyn ve sittin ve miʼe ve elf.