Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 575 Hüküm no: 923 Orijinal metin no: [105b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eksik gramajlı ürün satan Çörekci İbrahim’in kalebendlikle cezalandırılması Maʻrûz; Bu abd-i dâʻîleri târîh-i iʻlâm Perşembe günü kavl ile esʻârı yoklayarak medîne-i Eyüb’de çömlekciler sûkunda vâkiʻ Çörekci İbrahim’in fırını önüne varılıp dirhemleri vezn olundukda yüz dirhem yemiş gelip otuz dirhem noksan ve ellişer dirhemi otuzbeşer gelip on beşer dirhem noksan bulunup defâʻat ile tenbîh dahi olunmuş iken mütenebbih olmadığı inhâ ve ahz olunmağla ibretü’l-li’s-sâʼirîn kalʻa-bend buyrulmağla ıslâh-ı nefs ve mütenebbih olabilir mezbûr Çörekci İbrahim dirhemleri memhûren huzûr-ı âlîlerine iʻlâm ve irsâl olundu. Bâkī fermân hazret-i veliyyü’l-emrindir. Fî 11 Receb sene 1162