Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 576 Hüküm no: 925 Orijinal metin no: [105b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmü Gülsüm Hatun’un kocası Ahmed b. Mehmed b. Abdullah ile anlaşarak boşandığı Maʻrûz-ı dâʻî-i Devlet-i aliyyeleridir ki; Sâhibe-i arzuhâl Ümmü Gülsüm bt. Mehmed nâm hatun zâtı baʻde’t-taʻrîfi’ş-şerʻî meclis-i şerʻde zevc-i dâhil ve muhâlıʻı bâʻisü’l-iʻlâm Ahmed b. Mehmed b. Abdullah tarafından zikr-i âtî husûsda vekîl olduğu Ömer b. Halil ve Mustafa Bey b. Ömer şehâdetleriyle vekâleti sâbit olan Mehmed b. İbrahim muvâcehesinde zevcim müvekkil-i mezbûr Ahmed zimmetinde mütakarrir ve maʻkūdun-aleyh olan elli guruş mehr-i müeccelinden ve nafaka-i iddet-i maʻlûme ve meʼûnet-i süknâsı üzerine muhâlaʻa-i sahîha-i şerʻiyye ile hulʻ ol dahi baʻde’l-kabûl husûs-ı zevciyete müteʻallika derûn-ı arzuhâllerinde tahrîr etdirdiği üzere daʻvâsına mütesaddiye olduğu hınta ve şaʻir ve sâir maʻlûmesi mütâlebesinden yirmi beş guruş bedel-i makbûza sulh olup her biri âharın zimmetlerini ibrâ ve iskāt ve katʻ-ı nizâʻ etdikleri baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-âşir min-Recebi’l-ferd sene 1162