Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 582 Hüküm no: 932 Orijinal metin no: [107a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Murtaza Beşe’yi darbedenlerin cezalandırılmaları Maʻrûz-ı dâʻî-i Devlet-i aliyyeleridir ki; Hammal tâifesinden işbu bâʻisü’l-iʻlâm Murtaza Beşe b. Mehmed nâm kimesne Vâlidesarayı’nda Bostanî Ser-bölüğü Ahmed Bey mübâşeretiyle ihzâr-ı şerʻ olunan Çukadâr Salih b. Hasan ve Hasan b. İbrahim nâm kimesneler muvâcehelerinde târîh-i iʻlâm günü mezbûrân Salih ve Hasan yedlerinde âlet-i lehv ve şürb-i hamrdan sekerân üzerime hücûm ve bi-gayr-ı hakkın yumruk ile darb ve ağzımdan dem gelip ırzımı pây-i mâl etmişlerdir deyü eylediği daʻvâ-yı mezkûresini mezbûrân münkirler olup müddeʻî-i mezbûr Murtaza müddeʻâsını şuhûd-ı udûlden Berber Veli Bey b. Mustafa ve Mahmud Beşe b. Ali nâm kimesneler şehâdetleriyle baʻde’l-isbât mûcebiyle mezbûrâna taʻzîr lâzım geldiği Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 5 min-Recebi’l-ferd sene 1162