Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 586 Hüküm no: 943 Orijinal metin no: [108a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. el-Hâc Abdullah’ın Fâtıma Hatun’a olan dokuz adet altın borcunu ödemesi Yâ Rezzâk Maʻrûz; Medîne-i Hazret-i Ebâ Eyüb el-Ensârî’de Baba Haydar Mahallesiʼnde sâkine işbu bâʻisetü’l-iʻlâm Fâtıma nâm hatun ihzâr-ı şerʻ etdirdiği el-Hâc Abdullah ile terâfuʻlarında merkūm el-Hâc Abdullah zimmetinde cihet-i karz-ı şerʻîden dokuz aded zer-i mahbûb altun hakkım olmağla talep ederim deyü daʻvâ eylediğinde ol dahi ber-vech-i muharrer ikrâr ve iʻtirâf etmekle alâ-mûcib-i iʻtirâfihî meblâğ-ı mezbûr dokuz aded zer-i mahbûb altunu müddeʻiye-i mezbûre Fâtıma Hatun’a edâ ve teslîme merkūm el-Hâc Abdullah’a tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Tahrîren fî-20 min-Cemâziyelâhire sene 1162