Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 591 Hüküm no: 953 Orijinal metin no: [109a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Nikola’nın vefât eden el-Hâc Süleyman Efendi’deki alacağının terekesinden ödenmesi Maʻrûz; Sâhib-i arzuhâl Bakkāl Nikola zimmî meclis-i şerʻa ihzâr etdirdiği müteveffâ kapıcılar halîfesi el-Hâc Süleyman Efendi’nin tereke-i vâfiyesini kabz eden sulbî kebîr oğlu el-Hâc Yusuf’dan müteveffâ-i mezbûr el-Hâc Süleyman Efendi zimmetinde zahîre bahâsından iki bin akçe hakkım kalmışdır deyü daʻvâ ve mezbûr el-Hâc Yusuf dahi iʻtirâf etmekle makbûzu olan tereke-i vâfiyeden tamamen edâ etmek üzere tenbîh olunduğu Eyüb mahkemesinde tescîl olunup mübâşirleri Kollukcu Mustafa kulları iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ min-şehri Cemâziyelâhir li-sene isneyn ve sittin ve miʼe ve elf.