Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 598 Hüküm no: 968 Orijinal metin no: [110b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Manuk v. Bogos’un alacağını tahsil ettiği Maʻrûz; Medîne-i Ebâ Eyüb el-Ensârî’de mütemekkin sarraf tâifesinden Manuk v. Bogos nâm Ermeni meclis-i şerʻde işbu hâmilü’l-iʻlâm Onan v. Vartan nâm Ermeni muvâcehesinde mesfûr Onan zimmî zimmetinde cihet-i karzdan yirmi yedi buçuk guruş hakkımı baʻde’d-daʻvâ ve’l-münâzaʻa meblâğ-ı mezbûrdan yirmi dört guruşunu mesfûr Onan zimmî yedinden baʻde’l-ahz ve’l-kabz bâkī üç buçuk guruş daʻvâsından mesfûr Onan zimmînin zimmetini ibrâ ve iskāt eyledim dedikde ol dahi baʻde’t-tasdîk Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī Fermân hazret-i veliyyü’l-emrindir. Fî 13 min-Cemâziyelevvel li-sene isneyn ve sittin ve miʼe ve elf.