Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 599 Hüküm no: 971 Orijinal metin no: [111a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatem Hatun’un kendisine on üç sene hizmet eden Hatice’ye hak ettiği ücretini ödemesi Maʻrûz; Havâss-ı refîʻa muzâfâtından Sütlüce nâm mevziʻde sâkine sâhibe-i arzuhâl Hatice bt. Süleyman nâm hatun derûn-ı arzuhâlde mezkûratü’l-ism Hatem bt. Abdullah b. Abdullah’ın zevci ve husûs-ı âti’l-beyânda vekîl-i sâbitü’l-vekâlesi olan Çukadâr Ali b. Halil mahzarında yedi yaşında müvekkile-i mezbûre Hatem’in yanına varıp velîsi izinsiz on üç sene hizmet edip hizmetim mukābelesinde nesne vermemekle müstahikka olduğum ecr-i mislim taleb ederim deyü daʻvâ ve müddeʻâsı vech-i şerʻî üzere sabit olup müddeʻiye-i mezbûre Hatice on üç yaşında bulûğuna iʻtirâf etmekle müddeʻâsı olan müddet-i mezbûreden ancak hâl-i sugrunda lâzım gelen beş senelik ecr-i misli baʻde’s-suâl mevsûkun-bihim Müslimîn’in haberleriyle mütebeyyin olan beher yevm ikişer paradan hesap olunup cemʻan doksan guruş ecr-i misli müvekkile-i mezbûre Hatem Hatun’dan şerʻan lâzım gelip müvekkile-i mezbûre üzerine hükmolunduğu baʻde’t-tescîl huzûr-ı âlîlerine irsâl olundu. Bâkī fermân hazret-i veliyyü’l-emrindir. Fi’l-yevmi’s-sâdis aşer min-Cemâziyelevvel li-sene 1162