Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 600 Hüküm no: 973 Orijinal metin no: [111a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mustafa’nın satın aldığı halde Haslar Subaşısı tarafından el konulan Gürcü asıllı câriyesinin iâdesi Maʻrûz; Bâʻisü’l-iʻlâm Molla Mustafa b. Mehmed meclis-i şerʻde Haslar Subaşısı Mehmed Çelebi muvâcehesinde üzerine daʻvâ ve takrîr-i kelâm ederek işbu meclisde zâtı müşâhede olunan Gürciyyetü’l-asl Müslimetü’l-mille on iki yaşında Hanım ismiyle müsemmât câriyeyi üç gün mukaddem esirci tâifesinden Gürcü Hasan yediyle işbu hâzır bi’l-meclis Eskisaray aşcılarından el-Hâc Ahmed b. Bayram’dan yüz yirmi guruş semen-i medfûʻa iştirâ ve kabz edip ve ol vechile hâlâ mülk-i müşterâm iken mezbûr Mehmed merkūme Hanım âbıkadır deyü yedimden gasben ahz eyledi deyü daʻvâ ve müddeʻâsı vech-i şerʻî üzere sabit olmağla merkūme Hanım mezbûr Mehmed’den istirdâd ve mâliki mezbûr Molla Mustafa’ya teslîm olunup mezbûr Mehmed bî-vech muʻârazadan menʻ olunduğu baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ aşer min-Cemâziyelevvel li-sene isneyn ve sittin ve miʼete ve elf.