Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 601 Hüküm no: 974 Orijinal metin no: [111a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Kethüda’ya emanet bırakılan inek buzağısının iâdesi Maʻrûz; Hâmilü’l-iʻlâm Avanes v. Haçador meclis-i şerʻde Hüseyin Kethüdâ b. Abdullah muvâcehesinde üç sene mukaddem bir inek buzağısını emânet koymuş idim taleb ederim deyü iddiʻâ ol dahi hâlâ yedinde mevcûd olup lâkin târîh-i mezkûrda bana emânet verdiğinde beher yevm birer para ücret kavl edip hâlâ ücretden dokuz guruş zimmetinde kalmış idi deyü iddiʻâ eylediği ücret kavlini isbâta kādir olmayıp talebiyle müddeʻî-i merkūm Avanes zimmî baʻde’l-half mûcebiyle ücret daʻvâsından bilâ-beyyine bî-vech muʻârazadan baʻde’l-menʻ ve müddeʻâsı olan inek buzağısını müddeʻî-i merkūm Avanes zimmîye teslîme merkūm Hüseyin Kethüdâ’ya tenbîh olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâmin aşer min-Cemâziyelevvel li-sene 1162