Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 625 Hüküm no: 1021 Orijinal metin no: [116a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uygunsuz davranışlarda bulunup komşularını rahatsız eden Rukiye Hatun’un rızasıyla bulunduğu mahalleden taşınmaya söz verdiği Maʻrûz; Medîne-i Ebâ Eyüb Ensârî’de Şah Sultan Mahallesi’nde kirâ ile sâkine olan Şerife Rukiye Hatun’un nâ-mahremden ictinâbı olmayıp ecnebîler ile muhâlata edip hatta târîh-i iʻlâm gecesi birbirlerine ecnebî nisvân ve mahalle ahâlîsinden İsmail nâm şahıs ile Vâlidesarayı’nda meʼmûr Haseki kulları ahz u ihzâr ve her birleri istintak olundukda töhmet-i mezkûre ile ahz olundukların ikrâr ve iʻtirâflarından sonra mezbûre Şerife Rukiye’nin efʻâl-i kabîhasına binâʼen mutazarrırlar olup ve mahallelerine yakında gelip sâkine olmağla ihracını mahalle-i mezbûre ahâlîsinden müseccelü’l-esâmî ashâbü’l-iʻlâm bî-garaz Müslimîn iltimâs etdiklerinde mezbûre Şerife Rukiye dahi rızâsıyla hurûca müteʻahhide ve mezbûr İsmail dahi kendi hâlinde olmak üzere taʻahhüd eylediği medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 10 Safer sene 1162