Galata Mahkemesi 5 Numaralı Sicil (H. 983 - 984 / M. 1575 - 1576) cilt: 32, sayfa: 117 Hüküm no: 158 Orijinal metin no: [106-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fener kazasında sâkin olan zimmîlerin 983 senesindeki cizyelerinin alındığı Fener kazâsında sâkin olan küffârın 983 senesinde vâcib olan cizyelerini? cem‘a ta‘yîn olunan Atebe-i aliyye’den ulûfeciyân tâifesinin dokuzuncu bölüğünden Şakir Bey b. Haydar nâm gulâm şâhî mahfil-i şer‘-i şerîfde ikrâr edip kazâ-i mezbûr tevâbi‘inden Veraynakir nâm karyede sâkin olan küffârın üzerlerine sene-i mezbûrede vâcib olan cizyelerinden on dokuz bin iki yüz yetmiş iki akçe zikr olunan karye halkından Köse Dimitri v. Yorgi ve Andriye v. Dolta ve Yani v. Dimitri nâm zimmîler elinden mîrî için bi’t-tamâm alıp kabz ettim deyip mukırr-ı mezbûru ve zikr olunan Köse Dimitri ve Andriye ve Yani vicâhen tasdîk ettiğinde vâki‘ hâl gıbbe’t-taleb ketb olundu. Tahrîren fi’l-yevmi’s-sâlis aşer min Şevvâli’l-mükerrem sene selâse ve semânîn ve tis‘a mi’e. Şuhûdü’l-hâl: İlyas Ağa b. Abdullah, Osman b. Abdullah, Sinan b. Abdullah