Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 552 Hüküm no: 677 Orijinal metin no: [86a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Abdullah’ın, el-Hâc Mehmed b. Ahmed’den muhâlaa yoluyla boşandığı Mahmiye-i İstanbul’da Ayasofya-i Kebîr mahallesinde sâkine Fâtıma bt. Abdullah nâm hâtun meclis-i şer‘-i hatîr-i lâzımü’t-tevkīrde zevci işbu râfi‘ü’l-kitâb el-Hâc Mehmed b. Ahmed nâm kimesne mahzarında ikrâr ve takrîr-i kelâm edip zevcim merkūm el-Hâc Mehmed zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i makbûzum üzerlerinde me’ûnet-i süknâm dahi kendi üzerime olmak üzre zevcem merkūm el-Hâc Mehmed ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika âmme-i de‘âvîden her birimiz âharın zimmetini ibrâ-i âmm-ı ve kātı‘ü’n-nizâ‘la ibrâ ve iskāt eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâbi‘ ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Çavuş b. İbrahim, Abdurrahman b. Abdullah, el-Hâc Yusuf b. Mehmed, Hasan b. Ahmed.