Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 551 Hüküm no: 676 Orijinal metin no: [86a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Şahin’in, Mehmed b. Bayram’dan muhâlaa yoluyla boşandığı Mahmiye-i İstanbul’da Hüsrev Paşa mahallesi sâkinelerinden Rahime bt. Şahin nâm hâtun meclis-i şer‘-i lâzımü’t-teşrîfde zevci işbu bâ‘isü’l-kitâb Mehmed b. Bayram nâm kimesne mahzarında ikrâr ve takrîr-i kelâm edip mezbûr Mehmed zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerine olmak üzre mezbûr Mehmed ile muhâla‘a-i sahîha-i şer‘iyye ile muhâla‘a edip ol dahi muhâla‘a-i mezbûreyi kabûl ettikden sonra zevciyyete müte‘allika olan âmme-i da‘vâdan her birimiz âharın zimmetini ibrâ-i âmm-ı kātı‘ü’n-nizâ‘la ibrâ ve iskāt eyledik dedikde gıbbe’t-tasdîk mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Veli Beşe b. Mahmud, İbrahim Beşe b. Mehmed, Hüseyin Beşe b. Receb, Ahmed b. Şaban.