Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 559 Hüküm no: 686 Orijinal metin no: [87a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Mehmed’in, Yako’ya açtığı alacak davasından vazgeçtiği Mahmiye-i İstanbul’da Balkapanı kurbunda sâkin Ahmed Bey b. Mehmed nâm kimesne meclis-i şer‘-i şerîf-i lâzımü’t-teşrîfde Yahud tâifesinin Kirüz cemâ‘atinden Yako v. ( ) nâm Yahudi muvâcehesinde ikrâr ve takrîr-i kelâm edip bundan akdem gāib ani’l-meclis Yako nâmında bir âhar Yahudi bana karzdan yüz elli esedî guruş ve yüz elli zirâ‘ fıstıkî Londrine çuka bahâsından üç yüz elli guruş cem‘an beş yüz esedî guruş deynim vardır deyû ikrâr etmekle meblağ-ı mezbûru işbu mezbûr Yako’dan mubtılan da‘vâ sadedinde olmuşidim hâlâ da‘vâ-yı mezbûrdan ve târih-i kitâba gelince cemî‘ hukūk-ı ma‘lûm ve mechûle da‘vâsından işbu mezbûr Yako’nun zimmetini ibrâ-i âmm-ı kātı‘ü’n-nizâ‘la ibrâ ve iskāt eyledim dedikde gıbbe’t-tasdîki’l-vicâhî ve’t-tahkīki’ş-şifâhî mâ hüve’l-vâki‘ bi’t-taleb ketb olundu. Fi’l-yevmi’s-sâdis ve’l-ışrîn min Şa‘bâni’l-mu‘azzam li sene seb‘a ve seb‘în ve elf. Şuhûdü’l-hâl: Mehmed Çelebi b. Abdullah, İbrahim Çelebi b. Ahmed, Mehmed Bey b. Ramazan, Baba Resul [b.] Rıdvan.