Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 307 Hüküm no: 396 Orijinal metin no: [57b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Hasan’ın Ermeni asıllı câriyesini azat ettiği Fahrü’l-muhadderât Emine bt. Hasan kıbelinden âti’z-zikr âzâd ikrârına vekâleti Cafer Bey b. Celal ve Mustafa b. Ali’nin şehâdetleri ile sâbit olan Hasan Bey b. Hamza nâm kimesne meclis-i şer‘-i şerîf ve mahfil-i dîn-i münîfe hâzır olup müvekkile-i mezbûresinin, orta boylu, parlak yüzlü, gök gözlü, Ermeniyyetü’l-asl hâmiletü hâze’l-kitâb Kamer bt. Abdullah nâm câriye-i memlûkesini hasbeten lillâhi’l-aliyyi’l-azîm ve taleben li merzâti rabbihi’l-kerîm yevme lâ yenfa‘u mâlün ve lâ benûn illâ men etallâhe bi kalbin selîm, âzâd ve tahrîr ettiğini bi’l-vekâle ikrâr ve i‘tirâf eyledi. Câriye-i mevsûfe-i mezkûre bu sûretle ba‘de’l-yevm, sâir harâir-i asliyyât-ı mükellefât gibi hürre oldu. Efendilerin âzâdlı köleleri üzerinde şer‘an sâhib oldukları velâ hakkından başka üzerinde kimesnenin bir hakkı kalmadı. Cerâ zâlike ve hurrire fî evâili şehri Zilka‘deti’ş-şerîfe sene sitte ve elf. Şuhûd: Bâli Çavuş b. Hüseyin, Ahmed Reis b. Abdullah, el-Hâc Rıdvan b. Abdullah, Hüseyin Bey b. Abdullah, Mustafa b. Ali, Hüsrev b. Ali ve gayruhüm