Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 311 Hüküm no: 403 Orijinal metin no: [58a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Ahmed Reis adlı çocuğa nafaka takdir edildiği Hâkim-i askerî muvakki‘ a‘lâ hâze’l-kitâb bi tevkī‘ihi’l-müstetâb, hâric-i mahrûse-i Galata mahallâtından Mustafa Ağa mahallesinde bundan akdem fevt olan Ahmed Reis’in Mustafa nâm sagīr oğlunun nafakası, kisvesi ve sâir havâic-i zarûriyyesi için, kıbel-i şer‘-i şerîf tarafından kendisine vasî nasb edilen, himâye ve terbiyesi altında bulunduğu Mahmud Reis b. Mehmed nâm vasîsinin talebiyle ve müteveffâ-yı mezbûr babasından irs-i şer‘le kendisine intikāl eden emvâlden alınmak üzre, zeyilde mezkûr târihden i‘tibâren yevmî râyicül-vakt dört akçe farz ve takdîr etti ve meblağ-ı makdûr-ı mefrûzu sagīr-i merkūmun ihtiyâcına sarf etmeye mezkûr vasîye izin verdi. Cerâ zâlike ve hurrire fi’l-yevmi’l-hâmis aşer min şehri Zilka‘de min şühûri sene sitte ve elf. Şuhûd: Abdi Reis b. Sefer, Hasan Çelebi b. el-Hâc Memi, Mehmed Çelebi b. İbrahim el-Cündî, Handani Bey b. Abdullah el-Cündî, İbrahim b. Ömer, Hüsrev b. Abdullah el-Muhzır