Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 311 Hüküm no: 404 Orijinal metin no: [58b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Canfeda bt. Abdullah’ın Hasan Reis’te elli beş altın alacağı olduğu (…) ve İbrahim b. Cafer nâm kimesneler meclis-i şer‘-i şerîfe hâzırân olup hâl-i hayâtında kazâ-i mahrûse-i Galata tevâbi‘inden Beşiktaş mahallâtından Sinan Paşa mahallesinde sâkin iken bundan akdem kendi sefînesinde katl olunan Hasan Reis’in Belkıs nâm sagīre kızına kıbel-i şer‘den mansûb vasî olan Bâli Çavuş b. Hüseyin nâm kimesne mahzarında, hâmiletü hâze’l-kitâb Canfeda bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezkûrenin, maktûl-i mezkûrun zimmetinde, karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt elli beş altın hakkı vardır. Müdde‘iye-i merkūme, meblağ-ı mezbûru maktûl-i mezkûrdan veya vekîlinden kısmen veya tamâmen almadığına ve bi vechin mine’l-vücûh zimmetini ibrâ etmediğine dâir yemîn ettiğinde ve şâhidlerin şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olduğunda hâkim-i askerî şehâdetleri mûcebince meblağ-ı mezkûrun maktûl-i mezbûrun muhallefâtından müdde‘iye-i merkūmeye ödenmesine hükm etti. Cerâ zâlike ve hurrire fî evâsıtı şehri Zilka‘de li sene sitte ve elf. Şuhûd: Şaban b. Abdullah, Hüsrev b. Abdullah, Mustafa Çelebi b. Ali, Mustafa b. Ramazan ve gayruhüm