Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 326 Hüküm no: 425 Orijinal metin no: [61b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Esirin vasî tarafından satın alındığı Mahmiye-i Galata müzâfâtından Beşiktaş’da vâki‘ Yahya Efendi mahallesi sâkinlerinden olup bundan akdem vefât eden merhûm Osman Çelebi b. Durmuş nâm müteveffânın sulbî oğlu Durmuş nâm sagīrin kıbel-i şer‘den hasbî nâzırı olan Haydar Bey b. Abdullah nâm kimesne meclis-i şer‘-i şerîf-i lâzımü’t-tevkīrde sagīr-i mezbûrun vasiyy-i muhtârı olan Hüseyin Bey b. Abdullah nâm kimesne muvâcehesinde takrîr-i kelâm ve ta‘bîr ani’l-merâm edip merhûm-ı mezbûrdan bi hasebi’ş-şer‘i’ş-şerîf oğlu Durmuş’a nezâretim hasebiyle ber mûcib-i defter intikāl eden hisse-i şer‘iyyesini görmek taleb eylediğimde merhûm-ı mezbûrun esîrlerinden ( ) nâm esîr hâlen vasiyy-i mezkûrun taht-ı tasarrufunda olup ne vechile tasarruf eder suâl olunup mûcebini taleb ederim dedikde gıbbe’s-suâl merkūm vasiyy-i muhtâr merhûm-ı mesfûrun ( ) nâm esîrini Kâtib Süleyman Bey nâm kimesneye vesâyetim hasebiyle bey‘ eylediğimden sonra müşârün-ileyh Süleyman Bey’den mezkûr olan esîri kendi malımla iştirâ eyledim dedikde vâki‘ hâl alâ vukū‘ihî nâzır-ı mersûm Haydar Bey talebiyle ketb olunup yed-i tâlibe vaz‘ olundu. Tahrîren fî evâsıtı Zilka‘de sene sitte ve elf. Şuhûd: Es-Sâbikūn